Jeremia Tah Hla : 3: 25-26

Matthaia : 28: 19-20

Ephesi : 4: 30

Sam : 37: 5 & 7

THLARAU THIANGHLIM TILUNGNGAI SUH U

A hmasa in Thlarau Thianghlim chu enge kan ti ani maithei. Kan Bible chuan Thlarau Thianghlim hi nang leh kei anga minung angin a sawi thin a, thil angin a sawi ngailo a ni. Tin, mihring anih rualin Pathian a ni bawk a ni. Chutia mihring anih chuan, keini ang hian thil duhzawng te duhloh zawngte a nei ve vek tih hi hre tel ila a tha awm e.

Thlarau Thianghlim chu engtin nge tihlungngaih in a awm thin tih han ngaihtuah ho leh ta ila.Thlarau Thianghlim ti lungngai tur hian mi zawng zawngin theihna an neilo a, ringtute chauh hian kan ti lungngai thei a. Half Yearly Meet a kan Speaker in a sawi ringtu muhil derte hian an tilungngai thin a ni. Ringtu muhil der chu kan ni ve em tih mahni theuh inzawt ta ila. Lal Isua, Lal leh Chhandamtua pawm tawh si, khawvel lama tlan leh te hi ringtu muhil der tih an ni. Muhil der te hi muhil tak tak aiin kaihthoh an har an tih ang chiah hian rinna ah pawh hian muhil derte hi muthlu tak tak emaw mi-hla kan tih emaw ai hian kaihthoh a koh kir leh hi an har zawk an lo ti thin a ni. Isua Krista Lal leh Chhandamtu-ah kan pawma reilote hnuah sualah kan tlu leh a, a then phei chu a bawihah kan han tang leh thin hi chu a zialo thin zawng anih hi. Karkhat chhung camp-ah kan lut a, Pathian thu in kan inchiah a. Kan chhuah hunah thlemna kan tawk dawn tih team member ten min hrilhlawk vek a chumi huna kan beihlet dan turte kan tlanchhiatsan dan turte nen lam min hrilh vek hnu paw’n thla hnih khat hnu lek hnuah sual ah bawk kan let leh anih chuan amawh hi chu kan phur ngam dawn lawm ni?

Khaw pakhat hi a awma, an khaw kawnah tak mai chuan Billy Graham Evangelistic Association hian Praise and Worship hun hi an hmang a, tlai dar 5 atanga zanlai dar 12 pelh thleng hun an hmang a ni. Hmundanga an hman ang thin bawkin Bill Gaither ho in ministry ho chu dar 5 ah chuan an lo che tan ta a, an zai a an lam a Pathian fakin hun an hmang a ni. Sheri Easter alo ding chhuak a, Isua neih ka duh zawk ro hlu ber aiin, A ta nih ka duh leisum zawng neih aiin......tih hla kha a aw nalh tak tham chhap chuan a rawn sa ve ta, mi sang chuang an tap a an inhlan a ni. Chutia a zai zawh rual chuan Bill Gaither chuan Sheri bawihte, “Lily parmawi ber aiin a mawi zawk e han ti leh teh,” a ti a, a chang thumna chu a han sa leh a. Tumah an awm hle hle tawh lo ani ber, Thlarau Thianghlim chu an tilungngai lo chiang hle a ni. Chuan a zai zawh chuan Bill Gaither chuan inhlanthar te tan tawngtaisakna hun a hmang a, Pathian tana rinawm turin a fuih a, helaia kan camp hman zawh tak ang bawkin thlemna an tawh tur thu te pawh a hrilh a, chumi zawh chuan an rinlawk loh leh nidanga Praise and Worship huna lang tam lo tak, an Pu ber Rev. Dr. William Franklin Graham, Billy Graham tia kan hriat lar chu stage hnung atang alo lang hlawl mai, mipui zawng zawng an ding ta thup a kut bengin an lo lawm a, Billy Graham chuan ,”Vanram ka thlen huna angel ho in min lo lawm tur ang hian ka tehkhin ber”, tiin a sawi hial a ni.

Tichuan, zanina kan thupui Eph 4:30 hmang hian thu a hril ta a, inhlan tharte tan malsawmna a dilsak nghal bawk a, chuan zan dar 10 vel alo nih chuan darkar chanve chawlh an hmang a, fakna inkhawma chhunzawmin zanlai thleng hun an hmang ta a ni. A tukah mai chuan Billy Graham leh a hote chu hmundanga rawngbawl turin an chhuak leh nghal mai a. Chu khua an kalsan tak atang chuan keini hian zirtur kan ngah hle a ni. Kum 5 hnuah pawh chuan an la hlim em em a mahse harsatna te thlemna te chu an tawk ve reng tho a nimahsela, an rilru ah Thlarau Thianghlim ti lungngai suh u tih Billy Graham sawi kha an tuh ngheh tlat tawh avangin sual an hneh in thlemna an tlanchhiatsan thei zel a ni. Kum nga chhunga thunun an neih pawh mi 43 chiah a ni. Hetiang hian keini pawh hian Camping hunlaia sermon te thawhtan zan apianga sermon kan ngaihthlak te hi kan nunah seng lut ila chu kan branch hian Thlarau Thianghlim lawmzawng hi kan va ti nasa dawn tak em ti ro u!

Jeremia Tah Hla ah khan engtin nge kan hmuh kha, “Lalpa chu Amah nghaktute tan a tha a, amah zawngtu tan chuan. Lalpa chhandamna nghah veng veng chu a tha a ni” tiin kan hmu a ni. Chuan, Sam 37: 5&7 ah khan ti hian kan hmu bawk a “I awmdan tur chu Lalpa chungah nghat la; Amah chu ring la aman a ti vek ang. Lalpa ah chuan chawl la, amah chu nghak fan fan rawh” tiin. Keini hian engtia rei nge kan nghah ve tawh le, kan nghah chhung hian sual ah vawi engzat nge kan tluk tawh le? Chhiar tham fe chu a ni tawh ang ti ru mahse kan Pathian thu chuan nghak fan fan turin min ti a, thil tha anih thu min hrilh bawk a ni. Kohhran bel ila, KTP ah hian inhmang ila, chutichuan kan nghak veng veng mai dawn a lo ni. Kohhran inkhawm te hi thulh mai mai lovin, KTP in hla zir emaw hnatlan emaw a tihin kal zat zat ila chuan Thlarau Thianghlim tihlungngaihna hun hi kan nei hman meuhlo tur hi a nia. Nimahsela, nuam kan tih zawng hi alo pawimawh em nge maw ni heng KTP activity te leh inkhawm ai chuan eng eng emaw tihtur hi kan lo nei ve neuh neuh mai a. Thil sual kan ti chuang lo kan tih lai hian rin aiin inkhawm leh KTP kan thlahthlam hian Pathian nena kan kar hi alo zau duh phian tih hi zaninah hian hre thar leh theuh ta ila a tha awm e.

Thlarau Thianghlim tihlungngaih chu boralna a ni tih chiang takin Samsona nunah khan kan hmuh kha. Pathian mi bik a ni a, a chak a an hnam innghahna a ni. Nimahsela, Pathian duhloh zawnga a awm hnu khan thlarau thianghlim a lawm lo a, a ti lungngai a ni. Pathian mi bik pawh ni se, Thlarau Thianghlim tilungngai tu chu zuah in a awm rei vak lo, a nunna hial in a tawrh phah ta anih kha. Keini pawh hian Thlarau Thianghlim hi kan lo tilungngai thin a ni maithei mahse hun tha kan neih lai hian a hnenah inchhirin i kir leh thuai ang u. Khawngaihna hun kan neih lai hi bawhpelh lo turin ka member puite hi ka sawm duh che u a ni.

Thlarau Thianghlim tilungngai loa, Lalpa chhandamna beiseia nghak veng veng tur chuan Matthaia ziaka kan hmuh ang khan chanchintha kan hril tur a ni. Kan kalchhuak theilo a nih pawhin Kohhranah rinawm taka awm a, KTP ah inhman tlata activity hrang hrang a kan tel hian chanchin tha kan hril a ni. Pathianin min kohna line a inang vek loa chuvang chuan inkhawm tauh tauh te, Kohhran leh KTP tana mi rinawm kan nih hian thui takin chanchintha hi kan lo hril ve reng ani tih hi hre thar theuh ila. Ina kan awm mai mai emaw, khawilai emaw a kan nuam tihzawng a kan khawsak mai mai ai chuan a Biakbuk thianghlim leh a thalai rualte zinga hun kan hman hnem hian Thlarau Thianghlim chu kan ti lawm zawk a, a duhzawng kan ngaihtuah hmasak hi a ngai a ni. Kan duhzawng leh nuam tihzawng hi no 1a dah lo in Kohhran leh KTP hi kan dah hmasak zawk chhung hi chuan Thlarau Thianghlim hi kan ti lungngai hauh lo ang. LALPAN MIN SAWM SAK THEUH RAWH SE.

MIN HNEMTU

he hla hian ka lunglen chang apiangin min hnem thin. Lo ngaithla ve chhin teh u, mi lungleng thei tak ka ni tih chu ka thian te hian an hriat vek ka ring. A chang chuan Vanram te hi ka ngai ve ringot zel he khawvel hi ka ning thin, chutah tak chuan he hla hi kan ngaithla a mittui far fep fep chang pawh ka ngah khawp mai. Tunlai phei chu ka khua hi a har ngawih ngawih tunge ka ngaih ka hre bawk si lo....mahse he hla ril leh thuk zet mai hi ka tana an lo phuah chu ani ve ngei ang le! Thian hnai tak te emaw chhungte chan tawh zawng zawng tan he hla hi ka hlan e!!!!

VANA RO KHAWL

Luka -12: 33-34

Khawvel hnam tin hian ro kan nei theuh om e. Chhungtinin roluah turte, rochun turte leh rokhawm turte kan nei a, chung zawng zawng chu chhe thei leh ral thei vek an ni. Mahse hnam tin hian kan ngai hlu a, kan ngaihhlut te poh a inang lo viau hlom awm e. Mihringte ro chu sum te, bungbel te leh silhfen te, in leh ram te pawh an ni thei e amaherawhchu ral thei vek an ni thung. Chuvangin zawn bera neih tlak ani lo. Lei ro chu a khawltute nen an ral zel. Sum leh pai-in tumah a hlimna tak tak leh lawmna diktak a pe lo. Leia ro khawltu chuan leiah rilru a nghat a, van lam a ngaihthah thin.

Mi hausain a in leh a velte ropui takin a siam a, thlan ropui tak a thih huna an phumna tur a siam bawk a. Chuan voikhat chu pastor hi alo leng a, i in vel chu han enkual ve ila mo le a ti a. A neitupa chuan phur em em hian a han fan kual pui a, a tawpah pastor chuan." A ropui hlemai a! mahse i thih hnua awmna tur Vanah IN i nei tawh em?" a ti ta a, mi hausa pa chu a va han buai tehlul em! Keini pawh hi in ngaihtuah chiang chu a ngai viau lo mo, kan tan hmun siam in a kal a chu hmun luah thei tur chuan kan nung em? Nge kan aiawh a thi ta hi kan ti thlon don....??

I ro awmnaah i rilru a awm ang a. I rilru zawng zawng i dahnaah i nunna a awm ang.

KHAWNGE I HAW DAWN… ???

Isaia - 38:15
Matt - 16:23

Ringtu nun hi chu step by step a thrang chho zel tur ani a, a kal dem dem tur ani. Phur thut vang emaw hlim hluai vang emaw a kal vut vut emaw thlawh duai duai chi ani lo. Zawi te te in kan kal dem dem anga, amaherawhchu kan thlen chin apiangah erawh hma kan sawn zel thung chu angai ani. Hei tak hi thil harsa ve tak pakhat chu ani A hnung kan zuina kawngah hian, Peter-a meuh pawh kha” Setan, ka hnungah kal rawh: ka tan tlukna I ni e” a ti a ni.Helai thu a trang hian kan kal san a, ka l kal pelh chang a awm tih hmu hriat theih reng om e. Isua meuh pon ‘Setan’ ati anih si chuan hetia amah kalsan emaw kalpelh emaw hi sual ni ngei tur ani! Hetia kan kalsan hian mihring duhthu in kan lo kal a, a thra leh dik poh soi lo in kan lo tlansan a, kan phur dan ang angin kan kal a, rilru a lo lang apiang kha dik leh thra berah kan ngai thrin mahse tlukna in a zui thrin ani. A chhan lian ber chu Thlarau hruai in kan om th lo a, mihring duhdan in kan kal a Thlarau kha kan hnungah kan hnungah kan kaltir tawh thrin vang ani. Chutah tak erawh chuan kan inlamleta a hnungzui tura kan in tuaithar a trul thrin ani. Amah ringtu tak tak kan nih chuan kan tho leh ngei tur ani, Isuan a mite tluk hlen a phal loh thu Bible a kan hmuh nual angin keini pon amah kan pan anga, a lam kan hawi kir anga Pathian pawn min lo tranpui ngei ang! (Sam – 37: 24 & Thuf – 24: 16)


Chutia kan thoh leh a, Aman kan zui trauh trauh chuan Ringtute hian hmabak nuam tak kan nei ani tih hi chu inhrilh nawn kher a ngai om lo e. Zanin ah hian kan hawna tur threuh hi inzawt ta ila, awlsam takin kan soi thei ang ka ring! Kan veng, kan in awmna, a hmun chiang takin kan soi thei threuh om e. Mahse chu chu he kan lei taksa hawna tur mai ani! Ringtu poh hi beram tak tak leh a vun ringot sin te hi kan om hrang leh a, chumi avang chuan kan hawna tur poh hi a inang lo dawn ani. Kan thlarau nun zok hi han inzawt leh ta ila, awlsam taka kan chhan theihloh chuan keimahni kan in en let a trul viau om e. A chhan chu kan thlarau hian kalna tur hmun 2 hnih ciah a nei a, pakhat chu khumkhua a hlim leh lawmna hmun ani a pakhat zawk erawch chu kumkhua a trah leh ha thrialna hmun ani.


Pastor Liandova cuan” Isua nen hremhmunah kan awmdun chuan ka lawm tho ang” a ti a ni. Hetiang thei tur khop hian Isua hi kan belchiang ve em, Isua hi kan hnaih em tih hi in zawt threuh ila a thra awm e. Nge Isua hi kan bodyguard mai atan kan duh? F.J. Crossby hi kan hre threuh em o, Kristian hla ropui tak2 leh thra tak2 phuahtu nu hi. A pianphungah chuan rualbanlo ani, a mit a del a, a beng a ngong a, a trongthei heklo. Aman a tum em avangin a mit chuan khua hmulo in trongtheilo mahse a beng chuan a hnu kum tam tak liam hnuah a ri chhete chu a hre ve thei ani. Chuan vawi khat chu an kawmnaah he khawvelah hian lo piang nawn leh dawn la engtia pian nge I duh an ti a. A ni chuan, he khawvel a kristian sakhua a awm chhung a an sawi bang th loh turin tihian a chhang ani ‘ Tun ang bawk hian pian leh ka duh ani, a chhan chu ka mi hmuh hmasak ber tur chu Pathian leh a fapa Isua Krista an ni don si a” tih hian a chhang ani. Hetianga kan ringtu puite pawh an chian theih chuan keini pawh hian kan hawna tur chu kan chiang ve thei dawn lawm ni! Amaherawhchu amahah kan om reng angai a, kan rinna zawng zawng amahah kan nghah a ngai bok ani.
.

I AWM DAN TUR CHU LALPA CHUNGAH NGHAT LA;
AMAH CHU RING LA, AMAN A TI VEK ANG